Greinar
12 greinar eru á skrá til Skúlaleikir skúalárið 2025/26
2 nýggjar greinar eru við í ár, hesar eru fótbóltur og fimleikur.
Allar greinarnar verða tillagaðar menningarstigið hjá næmingunum, og verða tí ikki heilt líkar ítróttagreinunum, sum vit kenna tær.
Flogbóltur, fræslur ítróttur, borðtennis og hondbóltur verður tillagað og bjóðað til 4. flokkar.
Badminton, innirógving, tennis og fimleikur verður tillagað og bjóðað til 5. flokkar.
Kurvabóltur, bogaskjóting, rørslumegi og fótbóltur verður tillagað og bjóðað til 6. flokkar.
Skúlaleikir er ein samlaður leistur fyri nakrar ítróttatímar í skúlanum, og ein møguleiki hjá næmingunum at møtast í ítróttastevnu millum flokkarnar.
Lærarar fáa bjóða skeið í Skúlaleikum umvegis Nám. Hetta er í septembur á hvørjum árið.
Undirvísingartilfar kann takast niður her.
Kappingarleisturin er stuðlaður av einum undirvísingarleisti, sum í ítróttatímanum fyrireikar næmingarnar til rørslur í ítróttinum. Tað er sjálvsagt lærarin, sum skipar alla undirvísingargongdina.
Til skúlaársbyrjan eru mentar undirvísingarætlanir til hesar ítróttagreinar, sum gera tað lætt hjá ítróttalæraranum at føra sínar næmingar ígjøgnum Undanstevnur og landsstevnu í Skúlaleikir.
Undanstevnurnar í Skúlaleikum verða skipaðar kring alt landið um várið, har allir flokkar fáa eina ítróttaliga uppliving saman, og ársins Skúlaleikir enda við eini landsstevnu í apríl/mai.
Undirvísingartilfar er ment og kann lesast HER.
Skúlaleikir snúgva seg um felagsskap og rørslugleði fyri øll.