Tilmeldingarfreistin at melda flokk til Skúlaleikir 2023/24 er 1. september 2023. 

Luttøka í skeiði á Námi

Endamálið við skeiðnum er at gjøgnumganga undirvísingartilfarið til Skúlaleikir. Til Skúlaleikir 2023/24 verður serligur dentur lagdur á tillagingar til ítróttagreinarnar (paraítrótt). Málið er at skapa tilvit og vísa, at ítróttur kann vera fyri øll, og at venjingarnar enntá kunnu gerast enn stuttligari, tá vit leggja upp til, at onkur t.d. skal hava bind fyri eygni ella bert kann brúka ein arm. 

Tað eru tríggir skeiðsdagar settir á skrá – ein til hvørt floksstig. Tit kunnu melda til skeiðið her.