Stevnur

AT MINNAST TIL, ÁÐRENN TIT KOMA:

• Tosi dagin ígjøgnum og um, at tað snýr seg fyrst og fremst um felagsskap og rørslugleði fyri øll.
• Venji nøkur “HEPPI-RÓP” (eitt til allan flokkin, tosi um, at liðini eisini kunnu gera sær eitt heppi-róp á degnum)
• Tit eru vælkomin at gera flagg ella skelti ella annað, sum kann skapa stemning á degnum.
• Deila flokkin í jøvn lið býtt eftir hugi og hegni
• 4. flokkar (4-5 næmingar/lið)
• 5. flokkar (5-6 næmingar/lið)
• 6. flokkar (5-6 næmingar/lið)
• Les meira undir flokkar og greinar niðanfyri

BUSSAR

• Vit bíleggja bussar til allar flokkar, sum mugu koyra úr býnum/bygdini.

SKÚLALEIKA TROYGGJUR

• Allir næmingar fáa t-troyggju

UNDIRHALD OG FELAGSSKAPUR

• Felags upphiting, myndatøkur, tónleikur og vertur ígjøgnum dagin.
• 1. Felagskapur telur meira við:
  Grein 1 (40%), Grein 2 (40%), Felagsskapur (20%). 
  
  Til stevnurnar fara vit at heiðra felagsskapin enn meira. Frá royndum vísir tað seg, at hetta er við til at skapa góðan stemning á degnum. Vit fara tí aftur at eggja tykkum at gera eitt flokshepp og eggja næmingunum at samstarva og heppa á hvønn annan ígjøgnum dagin. Tá dagurin endar heiðra vertirnir liðini og flokkarnar fyri hetta. Somuleiðis fáa øll eina innanhýsis meting á okkara uppteljingarskjalið, sum telur við í samlaðu metingini. 
• Veljið 1-2 næmingar, sum vilja koma uppá pallin at fortelja, hvussu tit hava arbeitt við felagskapi í flokkinum í samband við Skúlaleikir (Hetta er ikki krav, men vit fara at bjóða onkrum mikrofonina, um tey tora).

Dagurin byrjar kl. 9.30 og endar kl. 14.00

Skráin er hendan: 

1. Vælkomin og felags upphiting, liðini verða sett og øll fáa liðfløgg (meðan næmingarnir hita upp fara lærarar saman í eitt høli at fáa boð um, hvussu vit hjálpast). 
2. Flokkarnir luttaka í 1. ítróttagrein
3. Ábit (øll eru á staðnum) 
4. Flokkarnir luttaka í 2. ítróttagrein
5. Felags samanumtøka, har vit finna teir flokkarnir, sum skulu umboða økið í landsstevnuni í apríl/mai 2025. Vit heiða eisini góð hepp og fullar vinaplakatir. .

Tey, ið koma víðari frá undanstevnunum (1 flokkur úr hvøjrum øki), luttaka so á landsstevnuni (apríl/mai 2025).

Við hesi skipanini royna vit at fáa øll við, bæði tey, ið eru við fyri felagsskapin – og tey, sum dáma at kappast. Endamálið er, at næmingarnir skulu hjálpa hvør øðrum, eggja hvønn annan til og soleiðis styrkja samanhaldið.

Tit kunnu vænta smáar broytingar í stigateljingini. Hetta geva vit endaliga kunning um fyrst í feb 2025.

Yvirskipað telja vit soleiðis:

Grein 1: 40%

Grein 2: 40%

Felagsskapur: 20% 

Grein 1:

Flokkarnir eru í liðum, og liðini vinna sær stig. Vit telja stigini hjá liðunum og finna miðaltalið fyri flokkin

• Flokkurin við flestum stigum í miðal fær 10 stig fyri greinina.
• Flokkurin við næstflestum stigum í miðal fær 9 stig fyri greinina.
• Flokkurin við 3. flestum stigum í miðla fær 8 stig fyri greinina.
• Osfr., osfr…
• Tað eru áleið 7 flokkar í hvørjum øki, og tí fáa allir flokkar stig.

Grein 2:

Flokkarnir eru í liðum, og liðini vinna sær stig. Vit telja stigini hjá liðunum og finna miðaltalið fyri flokkin

• Flokkurin við flestum stigum í miðal fær 10 stig fyri greinina.
• Flokkurin við næstflestum stigum í miðal fær 9 stig fyri greinina.
• Flokkurin við 3. flestum stigum í miðla fær 8 stig fyri greinina.
• Osfr., osfr…
• Tað eru áleið 7 flokkar í hvørjum øki, og tí fáa allir flokkar stig.

Besta HEPP

• Serlig heiðursløn fyri besta HEPP (verturin velur besta HEPP)

At minnast til, áðrenn tit koma:

• venja greinarnar í ítróttatímanum
• venja tykkara “HEPP”
• tit eru eisini vælkomin at gera fløgg, skelti ella annað sum skapar stemning á degnum
• deila flokkin í lið (lærarar fáa nærri kunning um stødd av liðum)