Tilmeldingin til Skúlaárið 2026/27 er opin!

Kunning, Stevnur /
Eftir eitt frálíkt ár við Skúlaleikum, eru vit klár til at taka ímóti tilmeldingum til komandi skúlaár. 
Sum nakað nýtt royndu vit okkum við stórum stevnum, har heilir ágangir vóru saman. Næmingar hittust tvørtur um oyggjar og kommunur, og vit fingu nógvar góðar afturmeldingar. Vit hava tí valt at halda fast í at skipa fyri stórum stevnum fyri heilum árgangum aftur í ár.
Her síggja tit myndir frá stevnudøgunum fyrr í vár. 
 
Skúlaleikir 2026/27 
Til komandi skúlaár hava vit valt at tilllaga Skúlaleikir soleiðis, at skúlaárið 2026/27 bjóða vit hesum árgangum: 
  • 3. flokkar (hesi sleppa at royna tvær av hesum ítróttagreinunum: badminton, fótbóltur, pool, frælsur ítróttur, flogbóltur, bogaskjóting.
  • 5. flokkar (hesi sleppa at royna tvær av hesum ítróttagreinunum: hondbóltur, kurvabóltur, tennis, rógving, borðtennis, rørslumegi.
  • 7. flokkar sleppa at velja ímillum tríggjar ymiskar forðabreytin við ítróttakendum avbjóðingum.
Vit royna við hesum at taka atlit til landsroyndir og lata 4. flokkar og 6. flokkar hugsavna seg um tað. 
 
Tit kunnu longu nú melda tykkara flokkar til her.  
 

Eisini er tilmeldingin til skeið fyri lærarum í Skúlaleikum er eisini opin á nam.fo. Á skeiðnum 2026 verður dentur lagdur á tær nýggju ítróttagreinarnar, sum verða partur av Skúlaleikum í ár. 

Meira um Skúlaleikir: 

Ítróttasamband Føroya hevur tikið stig til Skúlaleikir. Skúlaátakið verður skipað í góðum samstarvi við ítróttasambondini, MMR, Kommunufelagið, Heilsustýrið og Fróðskaparsetur Føroya. Betri stuðlar leikunum, og breiða samstarvið ger, at vit tryggja fakliga góðsku, fígging og góðar karmar. Skúlaleikir snúgva seg um felagsskap og rørlsugleði fyri øll. Alt undirvísingartilfar, skúlavitjanir og stevnur hava til endamáls at skapa karmar og huglag, har pláss er fyri øllum. Endamálið við Skúlaleikum er at geva lærarum fakligan íblástur og at geva næmingunum góðar ítróttaligar upplivingar.

Scroll to Top