SPURNINGAR OG SVAR
Niðanfyri finnur tú nøkur svar, og nærri vit koma skúlabyrjan 2021, tess fleiri svar fært tú.
FLOGBÓLTUR OG SKÚLALEIKIR?
Í Skúlaleikum verður FLOGBÓLTUR tillagaður til til aldursbólkin, og hetta fær lærarin undirvísing í og undirvísingartilfar til á skeiði á Námi. Næsta skeiði verður við skúlaársbyrjan 2022/23.
HVØR KANN LUTTAKA?
Allir 4. flokkar kunnu luttaka. Tað krevur bara, at ítróttalærarin SKRÁSETUR flokkin her:
ÚTGERÐ?
Allir ítróttatímarnir verða skipaðir soleiðis, at venjingarnar kunnu fara fram í kørmum skúlans og í samstarvi við nærindis ítróttafelag.
Hetta verður samskipað av ÍSF og Flogbóltssambandi Føroya.
STEVNUR, LIÐ OG STIG?
Les um, hvussu vit spæla flogbørn til stevnur HER.
TILLAGINGAR TIL SMÁAR FLOKKAR?
Smáir flokkar fáa møguleika at leggja saman við øðrum smáum flokkum, soleiðis at tey saman kunnu luttaka sum eitt lið til Skúlaleikir.
TILLAGINGAR TIL STÓRAR FLOKKAR?
Stórir flokkar fáa vegleiðing í, hvussu ein flokkur kann býtast í lið til at luttaka í Skúlaleikum.
TILLAGINGAR TIL NÆMINGAR VIÐ SERLIGUM TØRVI?
Til næmingar við serligum tørvi ber til at gera tillagingar í ymsku ítróttagreinunum. Ítróttaráðgevin hjá Parasport kemur fegin út á skúlarnar at ráðgeva um hetta.
UNDIRVÍSINGARTILFAR
Undirvísingartilfar til 4. flokk kann lesast og takast niður her.
HEVUR TÚ FRAMVEGIS SPURNINGAR?
Skriva til: Katrin Dam á Neystabø, samskipari av Skúlaleikum á katrin@isf.fo.
Skriva til: Helga Winther Olsen, ítróttarligur ráðgevi hjá Skúlaleikum á hwo@isf.fo.
FÁ YVIRLIT YVIR FLOGBÓLTSFELØG Í FØROYUM.