Flogbørn:
Fyrstu 30 minuttirnar hita børnini upp saman við vertinum. Lærararnir hittast hesa løtuna at tosa um uppgávurnar hjá lærarunum.
Karmar:
- Lærarin bólkar flokkin í lið á 3-5 næmingar býtt javt eftir kyn, hug og førleika.
- Tvey hjálparfólk eru við hvønn vøll (lærarar fáa kunning um hesar uppgávu).
- Hesi hjálparfólk greiða frá reglum við skiftum og hjálpir næmingunum.
- Hjálpafólkini virka eisini sum dómarar.
- Liðini verða býtt út á vallir, har tey spæla móti hvør øðrum.
- Hvør dystur er áleið 5-7 min. (alt eftir, hvussu nógv lið tey eru).
- Tey fáa 2 klistrimerki fyri at vinna ein dyst, og 1 klistrimerki fyri at spæla javnt.
Soleiðis spæla vit (sum undirvísingartilfarið vísir á):
- Byrja við einari undirhondsservu.
- Bólturin verður loftaður hinumegin ella ein leikari kann gera baggerslag ella fingraslag.
- Flyti runt á vøllinum hvørja ferð bólturin fer yvirum netið.
- Kasta yvir netið við undirhondskasti ella smassja bóltin yvirum.
- Um ein leikari missir bóltin, kastar út av vøllinum ella kastar í netið, fer leikarin út.
- Fyri at fáa leikara inn aftur eftir ein feil, er neyðugt at gera baggerslag ella fingraslag, og at ein annar leikari loftar.
- Um bert ein leikari er eftir á vøllinum, skal viðkomandi gera baggerslag ella fingraslag og síðani lofta sjálvur.
- Leikarar skifta pláss alt eftir, hvussu nógvir leikarar eru á vøllinum, sum víst er á myndini niðanfyri.
